Friday, April 7, 2017

Нападната студентка во Скопје поради исламски обележја


СКОПЈЕ (АА) - Покриена студентка, муслиманка од Скопје, Сумеја Адеми (19), заедно со нејзината пријателка христијанка, минатиот четврток биле физички и вербално нападнати во центарот на Скопје од страна на тројца Македонци од христијанска вероисповед, кои рекле: „Ова е христијанска земја, тие што носат шамија да заминат од каде што дошле, во Саудиска Арабија“, јавува Anadolu Agency (AA).
Сумеја заедно со својата другарка од универзитетот биле нападнати од група од тројца, две машки и едно женско лице, а таа за АА објаснува дека била нападната во центарот на градот, додека седеле на клупите на плоштадот. Сумеја раскажува дека групата поминувала покрај нив, но не знаеле дека нејзината пријателка е Македонка, па застанале и ги провоцирале со зборовите како „гнасни шиптари“ и проклети терористи.
Откако Сумеја и нејзината пријателка не реагирале и одлучиле да се повлечат, неколку минути подоцна повторно се сретнале со истата група, а Сумеја одлучила да праша што е проблемот, зошто се нападнати и каква штета направиле. Но, тројцата од групата одговориле дека им пречи нејзината облека, при што Сумеја реагирала, а нејзината другарка ја бранела, што предизвикало гнев кај групата. Во тој момент, едно од лицата од групата се обидело да ѝ ја повлече шамијата на Сумеја, но со неколку помали повреди успеале да се повлечат.
„Почнаа да ме нарекуваат терорист, гнасна шиптарка и дека ова е христијанска земја и оти еден ден сите нас ќе нѐ истераат. Момчето ме фати за рака и почна да ме влече велејќи ми да заминам од оваа земја. Со мојата пријателка успеавме да се повлечеме, но тие беа зад нас и нѐ нарекуваа исламски терористи, да заминеме од кај што сме дошле, од Саудиска Арабија, и дека оваа земја е христијанска. Околу нас имаше многу луѓе, но никој не интервенираше. Сите молчеа и гледаа од страна“, вели Сумеја за АА.
- Сумеја: „Како што крстот ја симболизира нивната религија, шамијата ја симболизира мојата религија“ -
Сумеја истакнува дека растела и живее во Скопје, додека нападот за кој не помислувала дека може да ѝ се случи, не ја шокира, но ѝ предизвикал премногу стрес. Таа вели дека поради овој настан нема да престане да се дружи со Македонци, Турци или со другите етнички групи што живеат во Македонија.
„Оваа шамија не е симбол на тероризмот, туку е симбол на религија. Исто како што еден Македонец држи крст, кој е симбол на нивната религија, исто и оваа шамија е симбол на мојата вера“.
„Исто како јас го почитувам нивниот симбол, и тие треба да го почитуваат мојот, бидејќи живееме во 21 век и треба да има хармонија, љубов и мир меѓу нас, а не омраза”, рече Сумеја, посочувајќи дека на младите им останува да се залагаат за мир утре, а да се мразат и распределуваат врз основа на верска и национална припадност.
Таа ги повикува македонските граѓани, особено младите луѓе, да не потпаѓаат на провокации, туку да се борат да има хармонија меѓу граѓаните на оваа мултиетничка и мултикултурна земја, без разлика религиската или етничката припадност.
„Денес ми се случи мене, утре може на некој друг. Не само на еден Албанец, туку исто Албанец или Турчин може да нападне Македонец. Да не дозволиме такво нешто да се случи, туку да придонесуваме за мирот и хармонијата меѓу нас”, апелира Сумеја до граѓаните. 

No comments:

Post a Comment